WORLD ENVIRONMENT DAY 2024

 

ലോക പരിസ്ഥിതി ദിനാചരണവുമായി ബന്ധപ്പെട്ട കേരള സംസ്ഥാന ജൈവവൈവിധ്യ ബോർഡ് കേരള സർവകശാല സസ്യ ശാസ്ത്ര വകുപ്പുമായി ചേർന്ന് മരുഭൂവൽക്കരണത്തെയും വരൾച്ചയും പ്രതിരോധിക്കാനായി ഭൂപ്രകൃതി പുനസ്ഥാപിക്കുക എന്ന ആശയം മുൻനിർത്തി ഏകദിന ശില്പശാല സംഘടിപ്പിച്ചു. ജൂൺ അഞ്ചിന് രാവിലെ 10 മണിക്ക് കാര്യവട്ടം ക്യാമ്പസിലെ സസ്യശാസ്ത്ര വിഭാഗം സെമിനാർ ഹാളിൽ വച്ച് സംഘടിപ്പിച്ച ചടങ്ങിൽ ജൈവവൈവിധ്യ ബോർഡ് മെമ്പർ ഡോ. കെ. സതീഷ് കുമാർ ഉദ്ഘാടനം ചെയ്തു. കേരള സർവകശാല സസ്യശാസ്ത്ര വിഭാഗം മേധാവി ഇ എ സിറിൽ അധ്യക്ഷത വഹിച്ച ചടങ്ങിൽ ഡോ. അജയകുമാർ വർമ്മ പരിസ്ഥിതി ദിന സന്ദേശവും മുഖ്യപ്രഭാഷണവും നിർവഹിച്ചു. ഡോ എൻ മോഹനൻ വിഷയ അവതരണം ( റെഡ് ലിസ്റ്റിംഗ് ഓഫ് പ്ലാൻസ് ) നിർവഹിച്ചു. സസ്യ ശാസ്ത്ര വിഭാഗം അധ്യാപികയും ജൈവവൈവിധ്യ ബോർഡ് മെമ്പറുമായ ഡോ .ടി. എസ് സ്വപ്ന സ്വാഗതവും കെ എസ് ബി ബി സീനിയർ റിസർച്ച് ഓഫീസർ ഡോ. അഖില എസ്. നായർ നന്ദിയും അറിയിച്ചു. വംശനാശഭീഷണി നേരിടുന്ന മധുകാ ബാലകൃഷ്ണാനി വൃക്ഷത്തൈ, ദിനാചരണത്തിന്റെ ഭാഗമായി വച്ചുപിടിപ്പിച്ചു. സംസ്ഥാന ജൈവവൈവിധ്യബോർഡ് റിസർച്ച് ഓഫീസർ ഡോ. ശ്രീധരൻ കെ, ജില്ലാ കോർഡിനേറ്റർ ശ്രീമതി അക്ഷയ അനിൽ, സസ്യശാസ്ത്ര വിഭാഗം അധ്യാപകർ അനധ്യാപകർ മറ്റു ജീവനക്കാർ, വിദ്യാർഥികൾ, ഗവേഷകർ അടക്കം നൂറോളം പേർ പരിപാടിയിൽ പങ്കെടുത്തു.

 

 

 

 

വിവിധ ജില്ലകളില്‍ നടന്ന പരിപാടികള്‍….